- 734 -

1448. Mai 21.

Vnsern frundlichen grus zuuor. Erber vnd weize, lieben frunde. Als ir vns schreibit; wie herczog Wlodke ewir entsagtir fynd wurden ist, vnd begeret euch zuhelffen etc. haben wir wol vornomen, vnd als wir denne mittenandir im bunde sein, weiden wir euch vngerne lossen nach vnserm vormogen vnd dorumme wellit das auch den andern in dem bunde gehorende schreiben vnd hulfe begeren, an vns sal es nicht gebrechen, auch wellit wissen, die zu Cryntsch genomen haben, die sein des weissen herczogen man vnd haben vnserm herren bisschofe entsagit vnd haben die vnsern in vnsir pflege auch mit beschedigt vnd dorczu furluten vff strossen pferde genomen vnd das allis geschen ist aws des genanten herren herczogen land vnd wiedir doreyn, vnd wir haben seynen gnaden iczundir czwir dorumme geschrieben vnd mogen aws der antwort nicht dirkennen, das her vns rechtis helffen adir die genomen habe wiedir schaffen weide. Geben am dinstage vor Corporis Christi anno etc. XLVIII.
Ratmanne der stat Breslow.

Mit Rückaufschrift an den liegnitzer Rath.

Orig. Kgl Bibl z. Berl Ms. Boruss. f. 568. No. 33.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866